فــــــــرصة العيــــــــد

كم يوم باقي والتهاني تسابق
فرصه تعايد من تعزه و تغليه
لاصرت في قدرك عن الناس فارق
لابد أنا أول شخص عيدك يهنيه
مبروك عيدك كثر زهر الحدايق
والعيد يكمل يوم مثلك ألاقيه
مدام خطوات المشاعر تطابق
والغير انا وياك مانلتفت فيه
جيتك براد الصبح ياحب فايق
و لاشتد برد الليل جيتك أدفيه
سامح فديتك تدري الشوق حارق
يوسف...رجع لك لاترده وتنهيه
اضلوع قلبه من غيابك تصافق
يبيك تنسى ماجري العام تطويه
العيد فرصه للرضى والتوافق
وانك تواصل من قطعته وترضيه