||.. اعرَف جوابك .. بًس وْشلُون احـلَك..!

ملّيت اقهويك المحبّة ولا ارواك
ملّيت افوَّح من دلالي وازلَّك

ملّيت صبري واتَلَحـَّفْ نواياك
قـَرْبك سراب ولا تماكنت ظلَّك

ملّيت اذوبك وانتهي فيك وابداك
من جَـلّ دقـَّكْ .. آاه يا دَقّ جلَّك

ملّيت اضمَّك واحْضَنَكْ واتـَلَوَّاك
يتلَّني طيفـك ومرَّات اتلَّك

ملّيت اجوعك شوق واعْطَشك واظماك
متحمَّل(ن) رمضاك وازريت اعلَّك

ملّيت انامك واتنبَّهـْك واصحاك
اتوسَّـدَكْ واطويك واغفى وافلَّك

ملّيت اسلّي خاطري واتمنـَّاك
قليل كثرك .. ولّ يا كثر قلَّك

ملّيت اخطّك واكْتَبَكْ واتهجّاك
اعرَف جوابك .. بس وشلون احلَّك ؟

ملّيت ابعثرني وافتش ولا القاك
واعيد ارتـَّبني على شان ادلَّك

ملّيت اموتك واتداوى ولا اشفاك
بشويش يا موجع معاليق خلَّك

علَّمتني اشتاق لك واتحراك
يا ليت لو علَّمتني كيف املَّك
!
الحب .. ما هو حب يالترْف لولاك
يَحْـرم حلاله كان ما هوب حلَّك

والشوق .. ما هو شوق مبداه / مبداك
واليا انتهى ياقف محلَّه / محلَّك

اما تجي كلَّك من اقصاك ل اقصاك
وإلاّ بلاش من الهوى روح كلَّك

يعطيك العافيه علي القصيده الروعه هذي
أخوك
eng:fawaz

ألف شكر ع مرورك وتنويرك صفحاتي

الله يعطيك العافيه على القصيده الحلووه